قصيدة " حس " تدفع المديرة الاخوانية لطرد طالبة

من طرف **Eghelp** الأربعاء 13 مارس 2013, 9:25 pm

مديرة المدرسة المنتمية للأخوان تطرد طالبة بسبب قصيدة
القصيدة بعنوان " حـس" ... والطلبة تظاهروا ضد الاخوان

قصيدة " حس " تدفع المديرة الاخوانية لطرد طالبة %D9%85%D8%AD%D9%85%D8%AF-%D9%85%D8%B1%D8%B3%D9%8A8

قصيدة " حس " تدفع المديرة الاخوانية لطرد طالبة %D9%85%D8%AD%D9%85%D8%AF-%D9%85%D8%B1%D8%B3%D9%8A8

الطالبة سالي .. طالبة بأحدى مدارس المحلة الكبري الثانوية
القت قصيدة بطابور الصباح ضد نظام مرسي ..
فعاقبتها المديرة الاخوانية الانتماء وبعض المدرسين ايضا... بالطرد
فتجمع طلاب المدرسة وهتفوا ... يسقط يسقط حكم المرشد

القصيدة تقول : حـــس

حس يا سيادة الريس بينا
حس بالنار الى والعة فينا
حس بشهيد حلمه ضاع
حس بقهرة اهالينا
ليك رب هتقابله طب هتقوله ايه ؟
لما يسأل جنابك علينا
........................
حس بشوارع ماليها دم
حس بقهرة اب وام
حس ببيوت جواها هم
والقلوب ماليها الغم
حس ببلد بتموت
وعز شبابها بيتسم
.......................
حس بجدع عياله جاعت
نزل يوكلهم فكر امته اتباعت
اتسحل واتعرى فى وسط حكومتك
وبعد ده كله حقوقه ضاعت
.....................
ده انا المصرى بن البلد
حلمى فى وسط الميدان اتولد
حلمى فى بلدى تعلى لفوق
وحلمى قدامى اتعرى واتجلد

يا سيادة الريس شرفك فين ؟
لما اتعرى المصرى الهمان
لما اتسحل واستغليت انه راجل جعان
وعاوز تكممه وتكتف عزته
وتهز بلدنا .. بلد الشجعان
لا مش هسكتلك ولا اسيبك تنهش
فى لحم بلدى زى زمان
..........................
م اصلى خلاص م الموت معودتش بخاف
عارف الموت ؟ عارف معناه ؟
الموت احلام بتموت وتضيع
الموت مش بس موت الحياه
الموت صديق عمر يروح
وصاحبه يتوه مجراه
الموت مش بس روح بتطلع
الموت ابن يموت وامه م تقدر تنساه
الموت اب انكسر ظهره
ابنه كان ظهره وقواه
الموت يعنى مستقبل بيموت ويضيع
وتموت احلامك وياه
حق الى اتعرى يا ريس فين ؟
ولا هو الى عراه اصلا مين ؟
الى عراه ظلمك وكدبك
الى عراه حكمك المهين
الى عراه ديابة ملهاش احساس
الى عراه كلاب مسعورين
الى عراه سكوت . الى عراه جبروت
الى عراه سلطة بتكسر عين

ورسالتى اخيره لنظام جبان
نظام فاسد ملوش عنوان
لو همـــــوت
لو دمى منك يلاقى الجحود
وتهددنى بسجن ظلام
ولا لوجوده اى وجود
... مش هتسكت فيا الصوت ..
... مش هتسكت فيا الصوت ..
... مش هتسكت فيا الصوت

	حلقات مسرح مصر
	مسلسل الاختيار3
	مسلسل العائدون
	مسلسل المداح 2
	الكبير أوي ج6
	تحميل مسلسل الحشاشين