الهجمات الاسرائيلية : كيف تعرف ان صفحة الفيس بوك مزورة

من طرف **Eghelp** الأحد 14 أبريل 2013, 3:39 pm

بسم الله الرحمن الرحيم

طبعا بعد الهجمة العربية على مواقع اسرائيل بدأت مجموعات الهكر الاسرائيلي
انها ترد الهجوم لكن مش بنفس القوة ... واحنا ان شاء الله لهم بالمرصاد.

اكثر الطرق المستخدمة حاليا لسرقة اكونت الفيس بوك بل وتعتبر الوحيدة
هي طريقة الصفحات المزورة

بكل اختصار فيه مواقع على النت بتصنع صفحات شبه صفحات الفيس بوك
الهكر او المخترق يعني بيرفع صورة معينة مثلا ويكتب كلام و الموقع بيعمل
صفحة شبه صفحة الفيس بوك تماما وصعب جدا ان اي حد يفرق بينهم.

لو حد بعت لك رابط الصفحة المزورة او قالك ادخل شوف دي كده واعمل لايك
لان فيه برضو ضعاف نفوس من العرب ...

هتدخل طبعا الصفحة هتحاول تعمل لايك او تكتب كومنت هتلاقي صفحة
تسجيل الدخول فتحت .. يعني هيقولك دخل الاسم وكلمة السر.

الهجمات الاسرائيلية : كيف تعرف ان صفحة الفيس بوك مزورة Hycdu

الهجمات الاسرائيلية : كيف تعرف ان صفحة الفيس بوك مزورة Hycdu

طيب لو حد وصله رابط مثلا او دخل صفحة مزورة او شك ان الصفحة مزورة
وخلوا بالكم ان اي هكر اسرائيلي بيسرق اكونت واحد بيبعت لك اصدقائك
رابط الصفحة وهم طبعا بيدخلوا ويكتبوا كلمة السر وهم مش عارفين !!
طيب انت دخلت صفحة مش عارف هي مزورة ولا لأ..

الاول لو انت اساسا فاتح الفيس بوك ولقيت صفحة تسجيل الدخول فتحت
اكيد الصفحة دي مزورة .. لان انت اساسا فاتح الفيس ..
هيقولك سجل الدخول تاني ليه بالعقل يعني ...

لكن لو انت مش فاتح الفيس ودخلت على رابط الصفحة وجيت تعمل
لايك او ضغطت على اي حاجة ولقيته بيقولك اكتب الاسم وكلمة السر.
هنا تقف ثانية كده وتروح تفتح صفحة جدبدة في المتصفح وتكتب www.facebook.com
يعني ادخل الفيس وشوف لو لقيت نفسك دخلت والفيس عندك شغال
ومش عاوز منك تدخل الاسم وكلمة السر .. ودا بيحصل لما تكون
عامل keep me logged in .. يعني البقاء في وضع الاتصال

الهجمات الاسرائيلية : كيف تعرف ان صفحة الفيس بوك مزورة HeQAU

الهجمات الاسرائيلية : كيف تعرف ان صفحة الفيس بوك مزورة HeQAU

هنا بقى تقول الله ما الفيس دخل اهو .. .امال الصفحة اللي فتحتها طلبت الاسم
وكلمة السر ليه .. يبقى الصفحة اللي انت فتحتها من الرابط مزورة .

طيب لو كتبت www.facebook.com في صفحة جديدة
وجيت تدخل قالك اكتب الاسم وكلمة السر .. سجل الدخول يعني
يبقى يا كبير الصفحة اللي انت فتحتها مش مزورة ولا حاجة
وانت مش فاتح الفيس فادخل واكتب كلمة السر عادي

وعشان تبقى امان ادخل من www.facebook.com
وسجل الدخول .. وبعدين ابقى افتح الرابط اللي معاك
واضغط على اي حاجة لايك او كومنت هتلاقي اللايك اتعمل
من غير ما يقولك ادخل الاسم وكلمة السر ..

اتمنى يكون الشرح سهل ... ولو فيه حاجة مش واصلة
ممكن تبعتوا لنا على صفحتنا استفسار واحنا هنرد عليكم
www.facebook.com/egyhelp
الف شكر Laughing

	حلقات مسرح مصر
	مسلسل الاختيار3
	مسلسل العائدون
	مسلسل المداح 2
	الكبير أوي ج6
	تحميل مسلسل الحشاشين